K Vena’n parliament-ah income tax duh loh thu sawi

K Vena’n parliament-ah
income tax duh loh thu sawi
Parliament winter session neih mekah Nilaini khan Rajya Sabha MP K Vanlalvena’n Mizote’n income tax certificate phutna an dawng thin chu dan kalh a nih thu a sawi.
India constitution hnuaia Income Tax Act section 10(26)-in a tarlan angin India ram chhunga tribal-te chu income tax awl kan nih thu leh hemi a nih avang hian Mizo mipuite chu India Constitution-in chhiah min awl a ni, tiin K Vena chuan house a hrilh.
Chutiang a nih laiin Mizo mipuite zingah income tax certificate phutna thuchhuah, Income Tax office, Guwahati atanga hriattirna dawng an awm thin thu a sawi a, Mizote hi income tax pe ngai lo kan nih avang leh tribal kan nih avangin income tax awl kan nihna certificate te, tribal certificate te income tax official-te hnenah an entir hnuah pawh income tax official-te hian an la tihbuai zui fo thute sawiin, hei hi dan kalh a nih thu leh dan lova Mizo mipuite tihbuaina a nih thu a sawi a ni.
Principal Chief Commissioner of Income Tax Office, Guwahati Assam hnenah hriattirna pe tur leh a tul dan anga action la turin Rajya Sabha chairman a ngen nghal a ni.