Rajya Sabha MP Kapil Sibal chuan kum 2024 ah UPA-3 sorkar pian theihna a sang tia sawiin opposition te chuan tum inang neiin agenda inang nei se BJP te hneh nan canddiate an siam a ngai tiin a sawi.
Sibal chuan Opposition te chuan common minimum programme aiah ‘new vision for India’ an tlangaupui a ngai tiin a sawi bawk.
Hei bakah hian Sibal chuan Karnataka Assembly poll a Congress te chakna chuan BJP te chu hneh theih an nihzia a pholang a ni tiin a sawi a, Lok Sabha inthlan erawh inbeihna dang daih a ni a ti bawk a.
Kum 2024 inthlan tura inbeihna chu Prime Minister Narendra Modi chungchang ni lovin ‘a ideology chawi nun a tum zawk’ a ni tiin a sawi bawk a.
Opposition te an tanruala ‘give and take’ policy an kalpui thei a nih chuan chakna chan theih a ni a ti bawk a. “State leh constituency-ah party pahnih thum tena seat khat inchuha inbeihna thleng lova ticket semdarh thiam a ngai a ni,” tiin a sawi bawk.
“Entirnan, Congres te chu State hrang hrang Rajasthan, Uttarakhand, Haryana, Madhya Pradesh leh Chhattisgarh ah te opposition lian ber an ni a. State thenkhat non-Congress government awmna West Bengal angah te chuan TMC te chu kawppui pawimawh ber an nih a ngai a ni. West Bengal angah te constituency tlem thei ang berah inkhinna awm se” tiin Sibal chuan a sawi bawk a.
Chutiang bawkin Tamil Nadu ah pawh Congress leh Dravida Munnetra Kazhagam (DMK) te chu buaina nei hauh lovin an thawkho tawh thin tiin a sawi bawk a. Telangana angah te chuan harsatna a awm thei a, Andra Pradesh angah te chuan Opposition coaltion a awm hmel loh a ti bawk.
Goa-ah chuan Congress leh BJP inbeihna a ni ang a. Uttar Pradesh-ah chuan Opposition ber zawk chu Samajwadi Party te an ni a. RJD leh Congress te chu junior partner ni thei an ni tiin a sawi bawk a, Bihar ah chuan Congress an lian lo tiin Sibal chuan a sawi bawk.
Kapil Sibal-an Opposition te tanho duh
Get real time updates directly on you device, subscribe now.
Prev Post