Taylor Swift chu Billboard Artist 100 chart-ah a No.1 a, he chart-a a No.1 tawh zawng zawng belhkhawm chu kar 62 a tling tawh a, Artist 100 chart-a No.1 ni ngun ber a nihna a sawhnghet zel e. Hetihrual hian Miley Cyrus pawh chart No.3 a kai a, he chart top 5-a a lan vawi khatna a ni.
-- Advertisement --
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian album leh hla hralhna bakah radio airplay leh streaming te chu tehna pawimawh a ni.
Taylor Swift hian a album ‘Midnights’ leh he album-a hla te hralh that zar a la zo zel a, he album-a a hla, Hot 100-ah pawh kar 8 No.1 thei ‘Anti-Hero’ chu Hot 100 chart-ah No.3 a la ni a, a hla dang ‘Lavender Haze’ chu Hot 100 No.32 a ni bawk. A album ‘Midnights’, Billboard 200 (albums) chart-a kar 5 No.1 thei chu kar khatah copy 73,000 hralh lehin chart No.2 a la ni thei a, a album dang Folklore (No. 22), Lover (No. 26), 1989 (No. 34), Red (Taylor’s Version) (No. 35), Evermore (No. 58), Reputation (No. 63), Fearless (Taylor’s Version) (No. 125) leh Speak Now (No. 138) te pawh chart-ah an la lang a, heng te avang hian Artist 100 chart-ah pawh a la No.1 thei a ni.
Taylor Swift sawi takah chuan a hla ‘Lavender Haze’ hi a music video nimin khan a tichhuak ta a, ‘Midnights’ album atangin ‘Anti-Hero’ leh ‘Bejeweled’ te a lo tichhuak tawh bawk a, ‘Lavender Haze’ hi he album atanga a music video pathumna a ni.
Hot 100 chart No.1-a debut Miley Cyrus chu Artist 100-ah No.3 a ni a, he chart top 5-a a lan vawi khatna a ni. Miley hla thar ‘Flowers’ a hit hle a, he hla hi Billboard Hot 100 (singles) chart No.1 a debut a, hei hian Artist 100 chart-ah pawh a vawrh sang ta a ni. Artist 100 chart top 10-a Miley lan hnuhnun ber chu December 2020 kha niin, No.9-ah a lang.
He chart-ah hian SZA chu No.2-ah bawk a la awm a, ani pawh hi a album ‘SOS’ hralh that zar zo niin, Billboard 200 (albums) chart-ah a la No.2 a, Morgan Wallen chu No.3 atangin No.4-ah a tawlh a, The Weknd chu No.4 atangin No.5-ah a tawlh ta bawk.
Artist 100 Top 10:
1 Taylor Swift
2 SZA
3 Miley Cyrus
4 Morgan Wallen
5 The Weeknd
6 Drake
7 Harry Styles
8 Luke Combs
9 21 Savage
10 Kendrick Lamar