Kawng siamthat laiin khar

Selesih Kawn atanga Thuampui leh Durtlang Road junction siamthat hna (concrete pavement) chu PWD-in a thawk mek a. Hemi chhung hian senior SP Aizawl chuan dan tlawhchhan hmangin kawng khar a ni tih a puang.
He kawngpui hi February 15 atanga khan siamthat a ni a, hna thawh lai leh kawng siam nghah char chhung (curing period) chu khar niin, HMV leh LMV (bungraw phur/ load la) a kaltlang theih dawn loh a, Aizawl atanga Kawnpui lam pan tur leh Kawnpui atanga Aizawl pan turte chu Sairang lama kal vek tura tih an ni.
Sihphir atanga Aizawl pan tur, LMV leh a hnuailam chu Selesih Kawn atangin Central Agriculture University College of Veterinary Sciences Complex chhung (internal road) a kal tur a ni a. Aizawl atanga Sihphir pan tur, LMV leh a hnuailam chu State Veterinary Complex Selesih lama kal tur a ni bawk.
Hnathawh chhunga kawngpui helna/ diversion road-ah hian LMV chin bungraw phur/load la kal phal a ni loa, hei hian passenger phur lirthei erawh a huam lo tih sawi a ni. Diversion road hi sawrkar complex a nih avangin zing dar 6.00 atanga zan dar 9.00 inkarah chauh kaltlang phal a ni tih sawiin, hei hian chhiatrupna thil leh medical emergency a huam lo tih a sawi.