Kawnpui-Sairang kawngah a inchhawkin lirthei tlan dawn

Kolasib SP David H Lalthangliana chuan sawrkar hriattina dinglai leh danin phalna a pek angin Kawnpui to Mualkhang inkar National Highway 06 chu BR Goyal-in chak zawka kawng siam hna a thawh theihnan, October 14 atanga thu leh awm hmaa hman tur Sairang road lama lirthei tlan dan ruahmanna a siam.
Kawnpui to Aizawl kal tur 407 truck leh a chunglam chu Kawnpui leh Sairang peng inkarah leh Sethawnah tih din an ni anga, tlai dar 5.00 atangin zan dar 11.00 inkarah an chhuak thei ang. Kawnpui leh Sairang peng inkara police duty tur chu Kawnpui Police Station-in a tul angin an lo inruat ang.
Sethawna police duty tur ho Kolasib Police Station leh Traffic Cell Kolasib-in staff pakhat ve ve dah thin an ni ang. Sethawna lirthei tih din hi Kawnpui Police nen lirthei chhuah dan tur ruahmanna an siam zawh hnu ah a tahtawlin lirthei hi an kal tir thin dawn a ni.
Aizawl atanga Kolasib pan tur chu Mualkhangah tih din an ni anga, zan dar 12.00 leh zing dar 6.00 inkarah an chhuak thei ang.
He thupek hian tul bik thila magistrate, police, security force /army, Fire & Emergency Services, ambulance leh Kolasib SP-in special permit a pekte a huam lo. Thupek zawm lo chu 179 MV Act hmanga hrem an ni dawn tih a sawi a ni.