Kenyan police te chuan tuipui kama Malindi khuaah Pathian thusawi pakhatin amah zuitute chaw ngheia riltama thi tura a tih vang nunna chan ruang 21 an phawrh leh.
Nunna chan zingah hian naupang te pawh telin police te chuan ruang tam zawk phawrh leh theih an inbeisei thu an sawi a.
Hei bakah hian Shakahola forest ah Good News International Church member dang 15 te chu kar kalta khan chhanchhuahin an awm bawk a.
Preacher Paul Mckenzie Nthenge chu police te kutah awm mekin court hmaa la inlan tur a ni bawk a.
State broadcaster KBC te chuan ‘cult leader’ tia sawiin mitthi phumna hmun 58 an hmuhchhuah tawh thu an sawi a.
Thlan pakhatah chuan chhungkaw pakhat member panga lai ruang hmuh niin an nu leh pate bakah an fate pathum phumin an awm a ni.
Mckenzie chuan engmah tihsual a neih loh thu sawiin bail a chhuah pawh a duh lo va, kum 2019 khan a kohhran din chu a khar tawh thu a sawi bawk.
Mckenzie hian amah zuitute chu ‘Isua hmu turin’ riltama chawnghei turin a ti thin tia sawi a ni a. Kenyan daily The Standard chuan pathologist te chuan DNA sample hi lain heng mite hi riltam vanga nunna chan an ni em tih finfiah an tum tur thu an sawi a.
Police te chuan Mackenzie hi 15 April khan amah zuitu mi pali te chu riltam vanga thia nia hriat an nih hnuah an man tawh a ni.
Mackenzie hian amah zuitute chu Nazareth, Bethlehem leh Judea khua hming a lam hnuah baptist thinin chu mi hma chuan chaw nghei turin a ti phawt zel tiin The Standard chuan a tarlang bawk.
Kenya hi sakhua lam lak lungrunna niin tun hma pawhin kohhran emaw leh kal sual kaihhnawih thil hlauhawm tak tak lo thlen tawh thinna a ni.
Kenya-ah ruang 21 phawrh leh vek
Get real time updates directly on you device, subscribe now.
Next Post