Kenya Grace-i’n ASCAP London Global Impact Award dawng dawn

Singer-songwriter Kenya Grace leh Cian Ducrot te chu ASCAP London-ah chawimawi an ni dawn a, UK-a songwriter leh composer te puala sawmbik te chauh tel teihna event-ah hian Kenya Grace hian Global Impact Award a dawng dawn a, Cian Ducrot hian Vanguard Award a dawng ve thung ang. He event hi London-ah June ni 18-a neih tur a ni.
British singer-songwriter leh producer Grace hi South Africa-a piang niin, 2023-a a hla it ‘Strangers’ avanga rimawi khawvelin a hmelhriat a ni a, he hla hi UK Singles Chart-ah No.1 a kai a, Brit Awards-ah pawh song of the year-ah nominate a ni a, iHeartRadio Music Awards-ah dance song of the year a dawng bawk.
Grace hian R&B melody leh soul styling bakah electronic influence te a phuahpawlh a, a hla te hi lampui nuam tak, club vela play hlawh tak an ni.
Irish indie-pop singer-songwriter Ducrot pawh hi 2022-a TikTok viral hit zet mai ‘All of You’ atanga invawr lar a ni a, nikum khan a debut album ‘Victory’ a tlangzarh a, UK leh Irish chart-ah No.1 a kai ve ve. Ducrot hian tunnai khan Ed Sheeran zuiin UK tour a zo hlim deuh hlawl bawk a ni.