Khaw kum 50-na lawm

Khawzawl district Chhawrtui khua chuan meimit loa khua an luah kum 50 tlin leh khawchhuak haw runpui chu December 12 atang khan an hmang tan a. Ningani khan district bawrhsap K Lalrohlua chuan hmanpuiin, cheng nuai 10 senga sak Chhawrtui Village Council House a hawng nghal.
Chhawrtui khua hi Mizoram khawchhak lam, Aizawl – Champhai kawng, Kawlkulh atanga chhim lam km. 17-a awm a ni a, Lalburha’n a tumkhatna atan kum 1903 khan Chhawrtui hi a kai a. Kum 1968 khan rambuai avangin Khawhaiah sawikhawm an ni. Kum 1973-ah khaw hluiah an let leh a, kum 2023 hi meimit loa khua kum 50 an luah champha a ni.