Khaw lum vangin Shimla-in pantu ngah

Khaw lum lutuk tlansan duhte tan India rama hmun nuam ber pawl chu Shimla a ni. Tun hnaiah Shimla-ah khualzin an pung nasa hle a. Tlangram khawpui British India summer capital ah hian kumin January atanga May inkar chhung chauh khan khualzin nuai 72 a nei der a ni.
“Pre-Covid khan khualzin 1,70,00,000 vel kan nei thin a. Mahse, Covid vangin nuai 32-ah a tlahniam a, a hnuah nuai 57 a ni leh a. Nikum khan vbch 1.41 khualzin kan nei a ni. Mareketing strategist kan neih te vangin tourism chawisanin a awm a ni” tiin Director Tourism Department of Himachal Pradesh chuan a tarlang.
“Kumin hian May thla thleng khan nuai 72 khualzin kan nei tawh a, June thla tawpah meuh chuan khualzin kan nei tha thawkhatin kan beisei” tiin Amit Shyap chan a sawi bawk a. Mahse, foreign an la awm loh thu sawiin an khualzin neih te chu Indian hlir an la nih thu a sawi bawk.
“Shimla bikah HPTDC hotel 70% vel luahkhahin a awm a, Manali ah chuan 100% luahkhahin a awm a ni,” tiin a sawi bawk.
Delhi atanga Shimla pan Shishti Sahu chuan, “Inrinni-ah ka thleng a, mi an tam hle a, thil man pawh a sang a, weather a nuam em em thung a. Delhi mi ka ni a, Delhi-ah chuan AC hnuaiah kan awm a, hetah chuan a vawt a ni,” tiin a sawi.
State tourism department chuan kum 2019 khan tourist 1,72,00,000 in an tlawh a, chung zinga 4,00,000 chu foreign tourists an ni a, kum 2021 khan Indian tlawhtu tourist 56,37,102 an awm thung.
Himachal Pradesh tourism sector hian kum khatah sum Rs 11,000 crore vel lalutin State Gross Domestic Product atangin 7.3% lawih a hauh pha a ni.