Kum 180 zet Singapore-a horse racing neih tawh chu tihtawpin a awm dawn ta a. Singapore-a racecourse awm chhun Singapore Turf Club chuan intlansiak hnuhnung ber nakumah a thleng dawn a ni.
Sorkar chuan sakawr intlansiakna 120 hectares hi a la dawn a, public leh private housing atan hman a tum a ni.
He racecourse a intlansiakna hi sakawr intlansiak hmuhnawm ti tak leh ngaina tak Queen Elizabeth II hming puala sak a ni a, kum 1972 khan Queen Elizabeth II Cup hi Singapore-ah a hmanpui nghe nghe a, kum 2006 khan a hmanpui leh a ni.
“Singapore-ah horse racing hun rei tak kalpui a ni tawh” tiin Singapore Turf Club te chuan an sawi a, “5 October 2024 a 100th Grand Singapore Gold Cup thlengin kalpui a ni ang,” tiin an tarlang bawk.
Horseracing hi Singapore-ah kum 1842 khan Scottish sumdawng William Henry Macleod Read-a’n a chin chhuah niin a hnuah Singapore Sporting Club din zui nghal a ni a.
A hnuah Central Singapore a semi-swampy land Ferrer Park chu racecourse ah an let a. Kum 1924 khan Singapore Turf Club tia thlak a ni.
Horse racing hi Europeans mi te mai bakah Malay leh Chinese racegoer hausa tak tak ten an lawm hle a. Kum 1933 khan horse racing lar zelah a course chu Singapore khawthlang lama Bukit Timah ah sawn a ni leh bawk.
Singapore sakawr intlaksiakna titawp ang
Get real time updates directly on you device, subscribe now.
Prev Post
Next Post