Rapunzel thawnthu kan hre tawh ngei ang a, hmeichhe sam sei tak thawnthu kha. Aliaa Nasyorva, kum 35, hi a tak rama Rapunzel chu a ni mai awm e, Guinness World Record-in khawvela sam sei berah a puang a, a sam hi 257.33 cm (feet 8 leh inches 5.3) a sei a ni.
Aliaa hi Ukraine a piang, Slovakia a cheng niin, Italian TV series Lo Show dei Record-ah nizan hmasa khan inlanin, record a siam thu an puang. Aliaa hi 165 cm (feet 5 leh inches 4) a sang niin, a sam hi ama san zawng aiin feet 3 chuangin a sei zawk a ni. A sam hi a naupan lai atangin an tan ngai lo a, a eizawnna hi artist leh graphic illustrator a nih bakah a sam sei tak chu modeling lamah a chhawr tangkai hle bawk.
Aliia hi social media lamah Instagram leh YouTube-ah te a in-pose taima ve hle a, a sam hi a lo hrisel deuh zawk nana han thawlh deuh thuak thuak ang chi bak chu a la tan ngai lo hrim hrim niin a sawi a, a nu leh a pi te pawh sam sei tak niin, chu chu a entawn ber niin a sawi a, Rapunzel thawnthu chuan sam zuah a tiphur niin a sawi bawk.
A sam hi kar khatah vawi khat a su thin, minute 30 vel hun a hmang thin a, mahse, hair mask te hman dawn cuan darkar hnih chuang lu suk hman a hmang thin. A sam hi dryer hmangin a tiro ngai lo a, ama tawka a awm ro hun a nghak mai thin a, darkar 24 chhungin a ro fel hman deuh tawk thin! A sam a colour ngai lo va, a sam huh laiin a khuih ngai lo bawk.
Khawvela sam sei ber
Get real time updates directly on you device, subscribe now.
Next Post