Amantina dos Santos Duvirgem chu June ni 22 hian kum 123 a tling dawn ta. Khawvel mirhing damlai zinga upa ber a ngaih a ni a, mahse, a kum hi Guinness World Record chuan an la finfiah ve loh avangin upa berah an la puang ve lo. Mahse, Brazil sorkar chuan Amantina dos Santor Duvirgem kum hi a dik niin an tarlang a ni.
Sorkar lam official record, pension record atanga a landan chuan Amantina hi June ni 22, 1900 a piang a ni a, mahse, Guinness lam chuan a kum hi an la pawm thei lo a, a chhan chu a birth certificate hi state pension a lak dawna an pek chhuah chauh a nih vang a ni.
Tunah hian Guinness World Records-in khawvela upa bera an puan lai chu kum 16 mi, Branyas Morera, American-Spaniard a ni a, March ni 4, 2023 khan a kum 116 tlin champha a lo lawm tawh a ni. Branyas hi 1907 khan San Francisco-ah a piang a, a naupan laiin Catalonia, Spain-ah an pem a ni. Branyas hi kum 22 chhung Spain hmarlama nursing home-ah a awm tawh a, fa pathum neiin, tu 11 leh tuchhuah 13 a nei tawh.
Khawvela upa berin a kum 123-na lawm dawn
Get real time updates directly on you device, subscribe now.
Prev Post
Next Post