Khawzawl district-ah sawhthing
kg. 310000 chuang lakhawm tawh
District Agricultural Marketing Committee (DAMC) Khawzawlah chu an chairman, bawrhsap K Vanlalthiana hoin Ningani khan an thukhawm a. Bana Kaih Scheme hnuaia thlai thar marketing chungchang an sawiho.
Khawzawl district atanga sawhthing lei leh hralh tawh zat report a ni a. DAMC Khawzawl ruahman lawk angin sawhthing lak khawm hi February 20 khan tan a ni a. Khawzawl district-ah Secondary Collection Centre (SCC) hmun 6 – Khawzawl, Puilo, Khawhai, Rabung, Chawngtlai leh Sialhawkah sawhthing buk a ni. March 5 thlengin Khawzawlah kg. 87758, Puilo-ah kg. 34713, Khawhai kg. 122939, Rabung kg. 11536, Chawngtlai kg. 39055, Sialhawk kg. 13553 lakkhawm tawh niin, a vaiin kg. 310554 a ni. State dang atanga direct buyer hnenah Chawngtlai SCC atangin kg. 20000 leh Khawhai SCC atangin kg. 43332 hralh a ni tawh.
Sawhthing lei leh hralh danah kuthnathawktute leh a leituten harsatna an tawh dan sawi a ni a, hma lak theih dan tur ngaihtuah ho a ni.
Khawzawl district-ah sawhthing kg. 310000 chuang lakhawm tawh
Get real time updates directly on you device, subscribe now.
Prev Post