PC-in raltlan tan ration card siamsak an duh lo

PC-in raltlan tan ration
card siamsak an duh lo
PC party chuan Mizorama raltlan awm mekte chu awmze neia khuahkhirh leh enkawl an duh a, ration card siamsak an duh lo tih an sawi.
PC thuchhuak chuan, kan chhevel ram leh state-a buaina hrang hrang avanga raltlan tam tak kan kawl mek chu awmze neia khuahkhirh leh enkawl an nih loh avangin harsatna kan tawk tam tial tial tih sawiin, ‘Hetianga kan kal zel chuan harsatna kan tawh belh zel dawn mai ni loin, buaina hial kan la tawk ang tih kan hlau a. Chuvangin raltlante hi refugee camp siamsak thuai a tul a ni,’ a ti.
Chief minister-in raltlante ration card siamsak a sawi phei chu thil hlauhawm tak a ni, tiin, PC party chuan a duh lo takzet tih a sawi a. Hetiang tura hmalakna a awm a nih chuan an theihtawpin an dodal dawn tih a sawi.