Khawzawlah damlo en

Kumin Remna Ni denchhenin Khawzawl District Hospital-ah Health & Family Welfare department chuan Ningani khan a thlawna inentirna a buatsaih a. Khawzawl leh a chhehvel khaw hrang hrang atangin an pan.
Health Clinic hawngtu Health minister Dr R Lalthangliana chuan office chawlhah pawh chawl mang loin doctor-te an buai em em a, tun huna mipui tana inentirna hun an hmang thei chu a lawmawm hle, tiin a sawi. “Mipuiin hriselna tha kan neih theihna’n sawrkarin theihtawp chhuahin hma a la zel a. Mipui pawhin kan tana sawrkar hmalakna hi kan thlawp a, kan tawiawm a tul a, kan lo hrisel lehzual na’n faina leh thianghlimna kawngah tan kan lak a ngai a ni,” a ti.
Health clinic-ah hian Aizawl leh Champhai atangin doctor thiamna bik nei 10 chuangin damlo an en a. Health & Medical Education joint director Dr Lalthlengliani’n doctor-te hi a ho a ni. Inentirte hi a thlawna damdawi pek an ni a. Damdawi man hi bialtu MLA, deputy chief minister Tawnluia ruahman sak a ni.
Remna Ni denchhen Health Clinic hi district thar pathum – Hnahthial, Khawzawl leh Saitualah neih tum a ni.