Zohnahthlak Christian Network (ZCN) chuan Mizoram leh a chhehvel ram – Myanmar, Bangladesh, Tripura leh Manipur rambuai tuar mekte tan chawnghei tawngtai leh charity concert an buatsaih dawn tih an sawi.
ZNC chu hun khirh leh harsa, ram leh hnamin a tawh laia tawngtainaa Pathian hmaa Zofate din hona tura din a nih thu an chairman VL Hmangaihsanga chuan a sawi a. Esther Chawnghei – Esther Fast (Patriotic Prayer Call) chu July 13-15 thleng Dawrpui Multipurpose Hall-ah an buatsaih tur thu leh tawngtai hi zan lamah cable TV kaltlanga tawiawm turin Zohnahthlakte an sawm tih a sawi.
ZCN chuan nunna hlu tak chhanchhuahna leh chhawmdawlna lam a ngaipawimawh tih sawiin, Manipur Zofaten chhawmdawl an mamawh em avangin August 10 & 11 hian charity concert buatsaih an tum tih a sawi bawk a. He hunah hian Mizoram top artist-te bakah Manipur zaithiamten hun an hmang dawn tih sawiin, Manipur-ah remna leh muanna a awm theihna’n July 12 chhun hian ZCN chuan ‘Peaceful Protest’ an neih tur thu a sawi a ni.
Zofate tan tawngtai leh concert
Get real time updates directly on you device, subscribe now.
Prev Post
Next Post