Khawzawlah kuhva tawlh khap

Khawzawl district magistrate chuan an huamchhungah kuhva tawlh ruk leh heng mite lak atanga sum lak a khap.
Khawzawl district-a kuhva rah tawlhruk, dan loa phurh luh a tawp theihnan dan tlawhchhanin hmangin thupek hmanhmawh a chhuah magistrate hian a sawi a. An district chhungah kuhva rah tawlh ruk dan loa phurh luh a khap bakah kuhva rah tawlhruk dan loa phurtute hnen atangin danin a phut ang ni lo pawisa lak a khap tih a sawi.
Khawzawl district chhungah kuhva rah tawlhruk dah khawlna tur kudam sak khap a ni tih a sawi bawk.
Khapna thupek zawm lote chu Bharatiya Nagarik Suraksha Sangita (BNSS) 2023 Section 223 hmang leh a kaihhnawih dan dinglai hmanga hrem theih an ni, tiin, thupek hi tihdanglam a nih loh chuan chhuah ni atanga thla hnih chhung a huam dawn tih a sawi.