Khuai khawi hlawhtling tlawh

Siaha khawpuia khuai khawi hlawhtling tak H Sabi, Siaha Vaipi chu Ningani zing khan All Mizoram Farmer’s Union (AMFU) Siaha District hruaituten an tlawh.
AMFU hruaitute sawi danin, H Sabi hian khuai bawm 20 a nei a. Khuaizu hi kum khatah vawi khat la-in bawmkhatah hian um 3/4 a chhuak tlangpui a, um khat hi Rs 1000-in a hralh thin. Khuai bawm siamin ramhnuai hmun remchang laiah a dah a, bawmah hian khuaivah an lo lawilut mai thin niin a sawi.
KVI Mizoram leh Siaha District AMFU chuan khuai khawina lamah thawhhona tha tak an nei a. Tun dinhmunah Siaha district-ah hian khuai khawi hlawhtling tak tak – Biaknema, Lobo (bawm 60); Dinthara, Noahotla (bawm 25) leh Sabi, Siaha Vaipi (bawm 20) an awm tih an sawi. Heng bakah hian khuai bawm pahnih pathum nei mi engemawzat an awm tih an sawi bawk.