Khuai zuk vangin Kerala pitar boral, mi 20 chuang damdawiinah dah lut

Khuai zuk vangin Kerala pitar boral, mi 20 chuang damdawiinah dah lut
Kerala a Aruvikkara khuaa mi pitar kum 63 mi chu Khuai zuk vangin a boral a, mi 20 chuang damdawiin a dah luh ngai khawpin an awm bawk.
Thuneitute sawi danin heng khuai zukte hi Mahatma Gandhi National Rural Employment Guarantee Scheme (MGNREGA) hnuaia thingtlang lamte hnathawh tur siamsakna hnuaia thawkte an ni a, an hnathawhna hmunah hian khuai bu tawn darhin a zuk hlawm a ni.
Khuaiin a zuk nat zualte hi damdawiin lamah kalpui nghal vek an ni a, mi 20 chuang chu enkawl ngai zual deuh niin, an zinga pitar kum 63, Susheela erawh chuan a nunna a chan phah ta thung.
Susheela pawh hi a boral nghal mai bik lo a, ICU ah enkawl ren rawn a nih hnuin zirtawpni zan khan a boral thu damdawiin chuan an sawi a, a tuk inrinni khan thuneitute chuan an sawichiang veleh bawk.
Police te chuan khuai zuk dangte hi ngaihtuahawm lutuk an ni tawh lo tih an sawi a, an dinhmun a that thu leh damdawiin atang pawhin kartir hi chuan an chhuah theih an bei thu sawiin, nunna chan chhungte chu an tawrhpui thu an sawi.