CI in state pahnih inthlan hun puang thuai dawn

ECI in state pahnih inthlan hun puang thuai dawn
Election Commission of India (ECI) chuan inthlanpui neih hmabak Maharashtra leh Jharkhand inthlan hun tur chu tunkar chho hian a puang dawn nia sawi a ni.
ECI te hian November kar hnihna emaw kar thumna emaw hi an tinzawn dawn nia sawi a ni a, mitin ten Diwali hlim taka an lawm phawt theih nan a hun hi an la puang rih duh lo nia sawi niin, Diwali zawh hnu lam an tinzawn nia sawi a ni bawk.
Maharashtra sorkar hi November ni 26 ah an term a tawp dawn a, Jharkhand hi January ni 5, 2025 ah an term a tawp dawn bawk a, an term tawp hma ngeia ECI lam hian inthlan a puan hman a tul avangin tunkar chho hian inthlan hun puan a ni dawn nia sawi a ni.
Tlema hre thuk deuhte sawi dan chuan Jharkhand hi thawh nga thlenga inthlan buatsaih tur nia sawi niin, Maharashtra erawh thawh khatnaa zo fel thei turin beisei an nih thu sawi a ni bawk.