KTP member mal zai intihsiakna “Praise On” nei leh dawn

K|P member mal zai intihsiakna “Praise On” nei leh dawn
SYNFO le Central Kristian |halai Pawl (K|P) buatsaihin K|P member tana mal zai intihsiakna ‘Praise On’ chu kuminah neih a ni leh dawn a, he mal zai intihsiaknaah hian K|P member tawh pawt chu tel theih a ni a, an Branch K|P hriatpuina lehkha an neih a ngai a, hriatpuina lehkha nen hian audition-ah inlan tur a ni.
‘Praise On’ hi kum hmasa lamah pawh neih tawh thin a ni a, kumin hian September ni 3-ah tanin, November ni 22-ah grand finale neih a ni dawn a, kumin hian he intihsiaknaa pakhatin Rs 1,20,000 lawmman a dawng dawn a, pahnihna leh pathumna ten Rs 70,000 leh Rs 50,000 ve ve an dawng ang a, top 5-a lang pha, mahse, top 3-a lang ta lo ten Rs 15,000 ve ve an dawng a, top 10-a lang, top 5-a lang ta lo zawngin Rs 10,000 an dawng theuh bawk ang.
Praise On 2024 hi September ni 3 zanah Upper Republic Presbyterian Kohhran Hall-ah Pathian hnena hlanna hun neih a ni ang a, intihsiaknaah hian audition bakah 1st leh 2nd round ang a, chuta tangin top 10 thlan an ni ang a, top 5 finalist thlan leh niin, heta tang hian winner thlan a ni tawh ang a, November ni 22 zanah grand finale neiin, result puan a ni ang.
Praise On Audition hi hun leh hmun hrang hrangah neih a ni dawn a, tel tumte tan mahni remchanna hmun berah audition hi a tih theih dawn a, registration chu Google Form hmanga tih tur a ni a, Branc K|P kal tlanga tih tur a ni ang.
Hetiang hi audition neih dan tur a ni:
September 6 – Champhai Venglai Presbyterian Kohhranah
September 10 – New Serchhip Presbyterian Kohhranah
September 14 – Kolasib Hmar Veng Presbyterian Kohhranah
September 21 – Lunglei Bazar Veng Presbyterian Kohhranah
September 25-2 – Tuikual Presbyterian Kohhranah