Kualzinte inhnangfakna atan
Tourist Cafeteria hawng thar
Sakawrhmuituai tlang leh a chhehvel tlawhtute leh khualzinte inhnangfakna tur Tourist Cafeteria sakna hmun tur chu Inrinni khan Tourism minister Robert Romawia Royte hoin Sihphir Village Council te leh Lungdai Village Council-te nen an en a. Sihphir leh Lungdai inrina bul kawngpui hrulah sak nise tiin rel a ni a, Lungdai VC chuan lehkha ziahfel ngaite chu reiloteah tih fel an tum tih a sawi.
Sakawrhmuituai tlang leh a chhehvel chu mipuiin an tlawh nasa hle tih sawiin, mumal zawka enkawl zel tul a tih a sawi a. Cafeteria building sak hna pawh hi rang taka tan ni se a duh tih a sawi a ni.
Aizawl East-II bialtu MLA ni bawk Robert Romawia Royte hian a bial chhunga Bethany Road Chhinga Veng hmun hniha lei dawh mek te a tlawh bawk a. Chhinga Veng chhunga Bethany area chu kawngpuiin a pawh ve theihna’n theihtawpa tan a lak thu a sawi. Mahni in hmun a thlawna kawngpui tlang theih nana petute chu chhuanawm a tih thu a sawi bawk.
Sawrkar laipui Ministry of Tribal Affairs sum nuai 140 leh Finance ministry sum nuai 50, a vaiin cheng nuai 190 sanction tawh a ni a, Mizoram PWD-in an thawk mek a ni.
Kualzinte inhnangfakna atan Tourist Cafeteria hawng thar
Get real time updates directly on you device, subscribe now.