Mizoram zirlaiten Shillonga
hmun pawimawh an tlawhkual
Mizoram Samagra Shiksha buatsaihin district hrang hranga zirlai 280 chu Shillong fanpui an ni a. Zirlaite hi class IX-XI an ni.
Exposure visit-a kalte hian NEIGRIHMS, Indian Institute of Management, Donbosco Museum, Umiam lake leh hmundang pawimawh an tlawh a. NEIGRIHMS-ah hian medical superintendent Prof Daniel leh a thawhpuiten lo dawngsawngin, damdawi in department hrang hrang an fanpui bakah khawl hnathawh dante an lo hrilhfiah. NEIGRIHMS-in cancer hospital an buatsaih mek leh inhemna khawl tharte pawh entir an ni. Inhemna khawl hi USA atanga chah cheng vaibelchhe 29 man a ni a, cancer-in a khawih lai taksa bak hmun dang hem chhe loin he khawl hian a hem thei. Inhemna khawl dang chuan taksa dangte pawh a hem ut thei a, he khawl hi chuan cancer lai chiah a hem tih te Prof Danial hian a lo hrilhfiah.
NEIGRIHMS medical superintendent leh teaching faculty dangten zirlaite hi an zir zelna atana tangkai turte an lo hrilh a. Medical lam hna chu midangte tana inpekna leh rawngbawlna pawimawh a nih dan te, doctor leh paramedicals lam zir duhte tana hriat tur pawimawhte an lo hrilh a ni.
Zirlaite hi Mizoram district hrang hrang atanga thlan zirlai 280 an ni a, pawl 9 atanga 11 zirlai an ni. Batch thumah then an ni a, a inchhawkin ni thum chhung an tlawh a, zirlaite hian an hlawkpui bakah medical lama kal tumte pawhin rilru an siam ngheh phah tih te an sawi a ni.
Mizoram zirlaiten Shillonga hmun pawimawh an tlawhkual
Get real time updates directly on you device, subscribe now.
Prev Post