Mizo cement misitiri-te
MLA-in cement mixer pe
Hachhek bialtu MLA Lalrindika Ralte chuan a bial chhung Zawlnuam khuaa Mizo Cement Worker Association in an hnathawhna kawnga an zangkhai zawk nan cement mixer a pe.
Mipui tana a thiltih chu bial mipuiten an tana thawk tura an thlan vanga ti a ni tih Lalrindika Ralte hian a sawi a, A MLA chhunga a tha thei ang bera bial tana hnathawh chu a tum ber a ni tih a sawi.
Mizote chu huho nun chak tak nei kan nih thu leh tun aiin chu chu kan hman thiam lehzual a ngai tih a sawi a. Israel ram dinchhuaktute chu kuthnathawktu, loneitu intelkhawm (cooperative community) Kibbutz leh Moshav te an ni, tiin, “Mizoramah Congress party-in Pathian leh mipui zara sawrkarna a chan chuan huho nun chakna hmangin hmasawnna thlentir kan tum. Chu’ng atana ram mipui mamawh intawmte chu tang puihna hmangin kan thuam dawn a ni,” a ti.
Tuna Mizo cement worker-te intawm tur cement mixer chu a entirna a ni tih sawiin, tunah hian a bial chhung khaw hrang hrangah mipui mamawh intawm kalpui a ni dawn tih a sawi a ni.
Zawlnuamah hian Mizo cement mistiri 20 an awm a. Hachhek bialtu MLA hian Zawlnuam College-a hman tur bus a lo pe tawh bawk.
Mizo cement misitiri-te MLA-in cement mixer pe
Get real time updates directly on you device, subscribe now.