Kuhva man tih ral dan dem

Kuhva man tih ral dan dem
Tunhnaia dan loa kuhva rah ro tawlhruk tih ral a nih dan chu an dem hle tih tualchhung kuhva chingtu pawl chuan an sawi a. Tun hnu ah tualchhung kuhva chingtute hamthatna tichhe lo zawnga tih ral ni tawh se an duh tih an sawi.
Mizoram Kuhva Chingtu Pawl Gen. Hqrs thuchhuak chuan, Kolasib district thuneituten 2025 April 15-a dan loa kuhva ro tawlh an mansa, court-in tiral tura a tih, an tihral dan chu na takin a dem tih a sawi a. Tun hnuah court thu anga smuggling kuhva ro tihral tur a awm a nih pawhin, kuhva chingtu ram leilungfate hamthatna tichhe lo zawng leh lungawina thlapa tihral ni tawh se an duh tih a sawi.
Smuggling kuhva ro lakluh tihtawp kawngah chak zawka hma la turin Mizoram sawrkar a phut tih sawiin, dan loa foreign smuggling kuhva ro tawlhruk dang turin an pawl District Hqrs, Sub Hqrs leh Branch ten theih ang anga sawrkar hmalakna tawiawm a, an huamchhungah an remchan dan anga hma la turin an inhriattir tih a sawi a ni.