Kuki-Zo ten Manipur atanga inlakhran hmiah tum

Manipur-a Kuki-Zo tribes frontal organisation-te chuan, ‘tribal-te tamna chuan mahnia inrelbawlna hran neih an inpeih’ tiin an sawi.
Indigenous Tribal Leaders Forum (ITLF) tena thuchhuah an siam hma hian thla eng emaw zah chu Manipur-ah buaina awm tawhin nunna chan 180 chuang awmin mi sang tam takin chenna in leh lo an chhuahsan phah tawh a ni.
“Manipur sorkar aTanga seperate administration kan ngiatna pawh thlaruk pelh hnuah engmah tihzuina a awm lo va. Kar eng emaw chhunga kan thil ngiatte min chhang duh lo a nih chuan self-government kan din ang a. Centre-in a pawm emaw pawm lo emaw kan kal zui zel dawn tho a ni. State emaw Union territory angin emaw selft-government kan din ang a, Kuki-Zo areas a huam bik ang a, hetiang kan tihna chhan tur chu kan aw te min ngaihthlak sak duh loh vang a ni,” tiin Muan Tomvbing, general secretary, ITLF chuan a sawi.
Manipur state-a tribal community te BJP MLA te pawh huam tel vekin Manipur sorkar aTanga inlakhran an ngiat vek a, Manipur sorkar chu majority Meitei tena an thunun bur a ni thung.
Nilaini khan ITLF te chuan Churachandpur-ah lungawilohna lantirna lian tak kalpuiin tribal 22 tihhlumna chu CBI emaw NIA in an chhui chian ngei an phut bawk a.
“Kuki-Zo community Thahnem tak rawng taka thahin an awm a, mahse CBI emaw central agencies ten an chhui miah lo. Tuna kan rally neih pawh hi Kuki-Zo mite laka hleilenna kalpui duhlohna a ni,” tiin ITLF thupuangtu Ginza Vualzong chuan a sawi bawk.
Manipur buaina hi May thla khan Scheduled Tribe status Meitei te hnena pek tumna avanga irhchhuak niin mahse kalpui zui a ni rih lo thung.
Manipur pumah Meitei mi leh sa 53 per cent vel awmin tribal 40 per cent vel an awm thung a. Meitei te chu phaizawla cheng niin tribal te chu tlangramah an cheng thun