Kum 10 chhungin mahni intihlum 900 chuang awm

Mizoramah kum 10 kalta atanga kumin thlengin mi 948 chu chhan hrang hrang vangin an intihlum a, kum 20 atanga 39 inkarah intihlum hi an tam ber.
Khawvelah mahni intihhlum venna hriat tur inhrilh tharna ni atan September 10 kha World Suicide Prevention Day-a hman thin a ni a. Aizawlah pawh he ni pual hian hun hman a ni.
Mizoram Police CID (Crime) chhinchhiah danin, kum 2014 atanga 2024 July thleng khan Mizoramah mahni nunna chhat 948 an awm tawh a; heng zinga 794 hi mipa niin, hmeichhia 154 an awm. Kum thliarhranah 20-39 inkarah an tam ber a, 584 an awm. Kum 40-59 inkarah 201 awmin, kum 20 la tling lo 117 an awm a, kum 60 chunglam 41 an awm. An kum zat hriat mai theih loh mi 5 an awm bawk.
Mahni intihlum naupang ber chhinchhiah chu kum 9 a ni a, a upa ber chu kum 90 a ni.
Kum 2022 kha mahni intihlum an tam ber tum a ni a, 125 an awm. Hemi kum tih lohah chuan an chhinchhiah tan kum – 2014 (108) leh 2015 (113) ah chiah 100 an chuang a ni. Nikumah 81 awmin, kuminah July thleng khan mi 49 an awm tawh.
World Suicide Prevention Day hi Aizawlah chuan National Mental Health Programme bultumin hman a ni a. Alzheimer’s & Related Disorders Society of India (ARDSI) Mizoram Chapter president Vanneihtluanga leh Aizawl SP Rahul Alwal ten thu an sawi.
Health & Family Welfare joint secretary Lalnunmawii Ralte chuan mahni intihhlum