Kum 4 miin lehkhabu ziakin record a siam

Hmeichhe naupang kum li mi lekin ama kutkawih ngei lehkhabu a khawr pum a, Guinness World Record a siam. He hmeichhe naupang hi Sambalpur a cheng, Avani Vishesh Agrawal a ni a, lehkhabu hi amah a ziah bakah amah ngeiin a publish nghal bawk a ni.
A lehkhabu ziah hming hi ‘Little Girl’s Big Emotions’ tih a ni a, English leh Scandinavian tawnga ziah niin, a lehkhabu-ah chuan naupang ten a tha zawnga an emotion an lantir theih dan tur tih vel te a tarlang.
Avani hi Indian Public School a zirlai niin, hetiang kum naupangtê a lehkhabu ziak a, a tlangzarh thei hi an school headmistress Suman Dalmia, chairman Keshav Dalma leh Principal Sachin Pathak te chuan lawmawm an tih thu leh Avani an chhuan thu an sawi.
Guinness World Record inkaihhruainaah record siam tur chuan lehkhabu ziah chu an tlangzarh ngei a ngai a, copy 1,000 tal an hralh tlin ngei a ngai bawk a ni.