Kum 50-a upa BD Chakma’n
MLA ding turin upa inti tawh
MLA ni lai Dr BD Chakma chuan kum 50 a kai tawh avangin upa a inti tawh a, MLA-a din nawn a tum tawh lo tih a sawi.
Zirtawpni khan Chawngte-a BJP office-ah Chakma Autonomous District Council BJP president nilai, Tuichawng bialtu MLA
Dr BD Chakma hian politics chawlhsan a tum thu a puang a. Kum 50 a tlin hunah politics a chawlhsan tur thu a lo sawilawk tawh avangin tun MLA term a hman zawh chuan politics atangin a chawl tawh dawn a, MLA emaw MDC ah emaw chuh ve a tum tawh lo tih a sawi.
BJP-ah chuan a la awm reng anga, party-a a nihna erawh a bansan anga, a aiawh tur president thlan hnenah lungawi takin charge a hlan dawn tih a sawi bawk. Zawhna chhangin, medical doctor a nih angin a hna ngai, doctor hna hi a theih ang angin a chhunzawm leh dawn niin a sawi a ni.
BD Chakma hi kum 2008 khan Chakma ADC inthlanpuiah Borapasury-II MDC constituency-ah Congress ticket-a thlantlin niin politics-ah a lut tan a; executive member-a dah nghal a ni. Kum 2013 ah MDC-a thlantlin leh niin, chief executive member nihna a chelh a, hemi kum vek hian State Assembly inthlanah Tuichawng bial atangin Congress ticket-in thlantlin a ni a, minister of state-a dah a ni.
2018 MLA inthlanpuiah Tuichawng bial atang tho hian BJP ticket-a thlantlin a ni a, tun term a zawh rual hian MLA a nihna leh politics chu mangtha a tum ta a ni.
Kum 50-a upa BD Chakma’n MLA ding turin upa inti tawh
Get real time updates directly on you device, subscribe now.