Kum 70 hnuah Saudi-ah zu dawr hawng dawn

Saudi Arabia chuan Riyadh khawpuiah hmun thlan bikah non-Muslim ram mi te tan zu dawr a hawng dawn tiin a sawi a, kum 70 hnuah Saudi Arabia-ah zu dawr hawn a ni dawn ta a ni.
Zu lei thei turte erawh diplomatic staff te kum tam tak chhungin diplomatic pounches tia sawi hnuaia sealed official package a zu chawlut thin te tan a ni dawn a ni.
Saudi official te chuan zu dawr chuan dan kalha zu tawlhruk te a ti zuai thei dawn a ni a ti bawk a.
Saudi-ah hian kum 1952 khan King Abulaziz fapa zurui in British diplomat a kahhlum atangin zu khap a ni ta char char a ni.
Zu dawr thar tur hi Riyadh city centre khawthlang lama Diplomatic Quarter bulah siam a ni dawn a ni.
Tunkar chhung hian zu dawr chu hawn nghal a ni dawn a. Mahse, envoy zu lei duh te chuan sorkar-ah remtihna an la hmasak a ngai dawn a, kum 21 hnuai lam dawr-ah luh khap niin zu dawr chhungah smart taka inchei tur a ni bawk. Zu lei tur te chuan an aiawh driver te emaw an tirh remtih a ni lo, thlatin an zu lei theih chin bithliahsak an ni bawk ang.
Patrons te chu thla khatah zu 240 ‘points’ an lei phalsak an ni dawn a. Zu litre khat chu point ruk anga ngaih niin wine litre khat chu point thum leh beer litre kat chu point khat a ni.
Tuna ruahmanna siam hian Saudi Kingdom chhunga diplomatic te ni lo foreigner pangngai te a huam dawn em tih erawh hriat a la ni lo thung.
Zu chu Riyadh life ah a tel dawn tawh chungin zu in te chu an zu inna hmun leh an ruih hnua an chet danah an fimkhur hle a ngai dawn thung.
Saudi law hman mekah zu in leh zu kawl te chu chawi tir, lung in tan theihna, vangtlang hmuha vuak theih leh foreigner an nih chuan thawnhaw nghal theih an ni.
Hei bakah hian Saudi sorkar chuan regulatory framework thar siamin chumi hmang chuan diplomat tena zu an lakluh dan siamthat tum a ni tia sawi a ni bawk a. Diplomatic staff te chuan ‘pouches’ tih mai thuneitu tena an lo hawnsak emaw khap tlat hmangin zu an chawlut thin tia sawi a ni.
Tuna Saudi sorkar hmalakna hi ‘Vision 2030’ tia a kalpui Crown Prince Mohammed bin Salman an Saudi society liberal zawka siam a tumna kal zel a ni bawk.
Gulf State dangte pawhin zu chungchangah ngaihhnathiamna lo kalpui tawhin UAE leh Qatar te ang pawhin non-Muslim te hnenah zu lei leh hralh hotel, club leh bar 21 ah remtihna an lo pe sa tawh bawk.
Zu hi Islam hnuaiah khap bur a ni a, Saudi Arabia erawhin kum 1952 thleng khan hrethiam takin a kalpui thin. Mahse, Saudi prince Mishari bin Abdulaziz Al-Saud an kum 1951 a Jeddah khawpuia British vice-consul Cyril Ousman chu function neihnaa zu a thlitsak duh loh avanga thinrimin a kaphlum a. A kum lehah King Abdulaziz chuan zu khap zuiin Mishari pawh tualthat tiin thiamloh chantir a ni.