Kum hnih chhungin phone bo 800 chuang hmuh let sak

Kum hnih chhungin phone
bo 800 chuang hmuh let sak
Kum 2023 atanga kumin February thleng hian Aizawl district huamchhunga mobile phone rukbo/ tihbo, police station-a an thlen atangin 875 hmuh let a ni tawh a, a neitute hnenah pek kir thin a ni.
Deputy inspector general of Police (Northhern Range) chuan Thawhlehni khan Aizawl SP office cheithat a hawng a. Hemi rual tunhnaia Aizawl district-a mobile phone rukbo /tihbo CEIR (Central Equipment Identity Register) portal hmanga chhuichhuah thenkhat chu a neitute kutah a hlan let a ni.
Mobile phone bo hi police station-ah complaint dawn a tam avangin ngawrh taka chhuichhuah hna kalpui thin a ni. Tunhnai kum thum chhunga chhuichhuah chu – 2023 ah 559, 2024 ah 299, 2025 February thleng 17, a vaiin 875 a ni.
Police station hrang hrang atanga phone bo chhui chhuah 875 bakah hian Ministry of Communication hnuaia Department of Telecommunications-in a siam CEIR portal hmangin mobile phone rukbo /tihbo 110 chhuichhuah a ni tawh a. Mobile phone bo chhui hna hi ngawrh taka kalpui mek zel niin, hmuh let leh a neitute hnena pek kir thin a ni.
DIG hian CEIR portal enkawltu leh phone chhuichhuah kawnga hma latu ber constable Lalchhuansanga Khawlhring, Crime Branch SP Office Aizawl hnenah reward a hlan.