Kum upate intihthawven a ngai – Lalthansanga

Kum upate intihthawven a ngai
– Lalthansanga
Mizorama kum upate tan intih thawven a ngai hle a, kum chawhnu lam hmang tawh an nih angin ngaihtuahna hahdam hmang tam se a duh tih minister Lalthansanga chuan a sawi.
Senior Club Mizoram Inkhawmpui Lian – High Council neih a hmanpuinaah minister hian, Mizorama kum upate intih thawven ngai hlea a hriat thu a sawi a. Kum chawhnu lam hmang tawh an nih angin ngaihtuahna hahdam hmang tam se a duh thu leh thalaiten tun aiin nu leh pa, pi leh pute duat kawngah tan la se, hunawl pawh hmanpui tam se a duh tih sawiin, “Chu chuan malsawmna a keng,” a ti.
Senior Club Mizoram High Council hian resolution a siam a. Mizorama kum upa kawl zawng zawngten duat thar leh ang u, an ti. Assam Rifles ram chhuahsan turah hian kum upate tuallenna ruahman ve ni rawh se, an ti bawk.
Kumina an project neih zingah Old Age Home New Serchhipah chawlhbuk an sa a, kumin December 14 hian hawn a ni ang.
Senior Club Mizoram hi kum 2021-a din a ni a, kum 50 chin chunglam tana tel theihna pawl niin, tunah hian member 150 an inziaklut tawh.