Naupang chhawmdawl ngai enho

Naupang chhawmdawl ngai enho
Naupang chhawmdawlna leh tanpuina dawng thei thlang tura din, Sponsorship and Foster Care Approval Committee (SFCAC) Khawzawl chu an chairman, bawrhsap K Vanlalthiana kaihhruaiin Thawhtanni khan an thukhawm.
District Child Protection officer leh SFCAC member secretary Lalsiammawii chuan SFCAC din chhan sawifiahin, Mission Vatsalya hnuaia sponsorship and foster care (chhawmdawlna) pek theih a nih dan a sawi. Thutkhawm koh a nih chhan pawh he Mission Vatsalya hnuaia sponsorship dawng tur naupang thlan a ni tih a sawi a ni.
He sponsorship hnuaiah hian naupang nu leh pa neilo, natna khirh vei leh naupang dinhmun azirin pek theih a ni a. SFCAC hian sponsorship dawng thei naupang hming thehluh chu enfiahin, sponsorship dawng awm an ni reng em tih thlir ho leh tur a ni a; sponsorship an dawn an hman chhunzawm zel dan leh an mamawhna ang takin a dawngtuten an hmang ngei em tih enfiah a ni bawk dawn tih sawi a ni.
Hemi hnu hian Committee chuan sponsorship pek atana rawtna enin naupang dinhmun ngaihtuah chungin pek tur thlan a ni a, endika chhui chhunzawm zel tur a tih a ni.