Kumina Global 200 chart-a che\ha ber Sabrina Carpenter

Kumina Global 200 chart-a chetha ber Sabrina Carpenter
Billboard chuan kumina khawvel huapa hla lar dan an tehna, Billboard Global 200 chart year-end chart an tichhuak a, Sabrina Carpenter a No.1
Sabrina Carpenter hian kumin August thla tawp khan a album “Man’s Best Friend” a tichhuak chauh a, he album-a la “Manchild” chu album a tlangzarh hma, June thlaah a lo tichhuak tawh bawk a, Global 200 chart No.2-ah a debut a, a hnuah No.1 a kai leh bawk.
Carpenter hian nikum lama hla a lo tichhuah tawh “Espresso”, “Please Please Please” leh ‘Taste” chu kumin thlengin chart lamah a la hlawhtlin pui zui zel a, chart top 10-ah te pawh a la lang zak zak a, hengte avang hian global year-end chart-ah a No.1 ta a ni.
Billie Eilish, Bruno Mars leh Kendrick Lamar te pawh a langsar zingah an tel. He chart hi October ni 26, 2024 leh October ni 18, 2025 inkara chart-a an chetthat dan atanga teha ranking pek an ni.
A hla mala lar zawngah chuan Bruno Mars a chungnung ber a, ROSE nena an sak dun “APT.” chu kum khat chhunga hla lar ber niin, Lady Gaga nena an sak dun ‘Die With a Smile” chu No.2 a ni bawk. Heng hla pahnih te hi 2024-a tlangzarh ve ve ni mah se tracking peroid-ah a la chetha ber tho a ni.
Kumina rawn lar tar EJAE, Audrey Nuna leh REI AMI te aw thawhna HUNTRIX “Golden” chu chart top 10 khartuah a tang a, anni hi kumin atanga rimawi khawvelin a hmelhriat thar zingah chart top 10-a lang thei awmchhun an ni.