Kumina Sabalenka title pathumna a hmin
Inrinni Madrid Open hmeichhe singles final-ah WTA ranking-a a sang ber ber pahnih intumin, 6-3 3-6 6-3-a world number one Iga Swiatek hnehtu Aryna Sabalenka chuan kumin chhunga a title pathumna a sualchhuak a, WTA Tour bika a title 13 lak tlinna leh he trophy bik vawihnih a lakna chiah a ni nghal.
Madrid hnehna kha Belarusian tan clay leilung bika a champion vawikhatna leh Madrid Open title a lak vawihnihna niin, a hma chawlhkar hnih kalta mai khan world number two Sabalenka hi Stuttgart final-ah Poland nula hneh loin a lo tlawm tawh a, Spain ramah phuba a la ve ta a ni.
Kum 25 mi Sabalenka hi kum hnih kalta khan Madrid khuaa Park Manzanares-ah hian final-ah a lo chak tawh a, rinkai zawk Swiatek hneha Madrid Open title a sualchhuah theih avangin chawlhkar thum hnua French Open khelh zui tawh turah pawh rin a kai zual sauh a, defending champion Swiatek tan pawh Paris-a a title humhim a tumna kawngah Australian Open champion Sabalenka hi a paltlang tur zinga mi a ni ngei ang.
Pole aia kum li zetin a upa zawk Sabalenka hian kum 2021 khan Madrid final-ah tuna professional tennish chawlhsan tawh Ashleigh Barty hnehin, kha final-a a hneh Australian Barty pawh kha khatih lai khan hmeichhe world number one ve bawk a ni.
Kumina Sabalenka title pathumna a hmin
Get real time updates directly on you device, subscribe now.
Prev Post
Next Post