Kuminah Dengue tam leh

Dengue hriin Mizoram a chen chilh tawh a, he hri vei hi an awm deuh reng tawh. Kuminah pawh Mizoramah dengue hri vei hriatchhuah zat a tam leh tawh.
Integrated Disease Surveillance Program (IDSP) te’n an chhinchhiah danin, kuminah October ni 16 thleng khan Mizoramah dengue vei mi 2344 an awm tawh a, kum hmasate nena khaikhinin hei hi a tam tham viau mai.
IDSP chhinchhiahna enin, 2022 hnuah dengue vei zat hi a pung nasa a; 2021-ah he hri vei zat hi 83 chauh a nih laiin 2022-ah chuan 3242 daih a ni. A kum leh 2023-ah 3314-ah a pung leh bawk. Kuminah thla hnih chuang a la awm a, dengue vei hi mi 2344 an tling tawh.
Dengue hi 2012-ah Mizoramah hriatchhuah a ni a, hemi kum hian mi parukin an vei. 2012 a\ang hian kum tin dengue vei an la awm.
Dengue hi thlasikah tlahniam \hinah ngaih a ni a, November leh December-ah he natna vei hi an tlem tura beisei chu a ni.
Mithiamte sawi danin, thlasikah dengue hi zia hret hret tura ngaih \hin a ni a, ruah tui a tlem hret hret ang a, thosi pianna tur tui tling a tlem hret hret chuan dengue hi a zia hret hret tura ngaih a ni.

Dengue vei zat

Kum Vei zat
2012-ah 6
2013-ah 7
2014-ah 19
2015-ah 43
2016-ah 580
2017-ah 136
2018-ah 68
2019-ah 131
2020-ah 67
2021-ah 83
2022-ah 3242
2023-ah 3314