Kut thupuiah ‘Mizo Tlawmngaihna’ hmang
Zirtawpni khan Vaairengte ah ‘Mizo Tlawmngaihna’ tih thupuia hmangin Chapchar Kut hman a ni a. Minister Er. Lalrinawma chu Kut Pa niin a hmanpui.
Kut Pa chuan Vairengte khawtlangin ramri buai laia Mizoram aiawha an ding tlat thin leh an thawhrimna chu fakawm a tih thu sawiin, Kut thupui chu a taka lanchhuah tirtu ni zel turin a chah. Hun lokal zel turah pawh ram leh hnam humhimna kawngah lungrual taka thawh ho pui zelah Vairengte khawtlang chu a sawm nghal a ni.
Hmanlai kan pi leh pu hunlai atanga tlawmngaihna nunpuitu kan nih angin, a tul hunah chuan kawmg engkimah hmahruaitu nih tum turin kalkhawmte a chah a. Hmingthat tumna leh lansarh tumna tih nghin phak loh, Zonun zemawi tlawmngaihna dah pawimawh hmasa fo thin turin a fuih a ni.
Vairengtea Kut lawmnaah hian Counter Insurgency Jungle Warfare School commandant Maj Gen. Rajiv Thapar pawh sawm niin thu a sawi a. Mizo hnamlam leh ziarang hrang hrang YMA, MHIP leh Cultural Club-te’n an entir a ni.
Kut thupuiah ‘Mizo Tlawmngaihna’ hmang
Get real time updates directly on you device, subscribe now.
Prev Post