LADC budget sawi ho dawn
Lai Autonomous District Council budget thar chu vawiin, April 5 hian sawi hoa pass tum a ni ang.
LADC Budget Session hi March 30 atang khan tan a ni a. Session tan ni hian chief executive member V Zirsanga’n kum kallaia sum indaihlohna dilbelhna – Supplementary Demand for Grant cheng nuai 2392.9 leh 2023- 2024 LADC sum hman tur ruahman – cheng nuai 21603.22 chu House-ah a pharh.
Budget tharah hian chhiah tlingkhawm atanga hmuh beisei nuai 300 a tel a; kum 2022- 2023 aiin cheng nuai 579.26 in a tam zawk.
Budget pharh tak hi vawiinah sawihoa pass tum a ni anga, Session hi a tihtawp zui a ni ang.
CEM sawi danin, budget tharah hian MDC Local Area Development Fund, cheng nuai 5 ni thin chu nuai khata tipungin, nuai 6 a ni tawh dawn a. MDC Discreationary Fund pawh tihpun niin, LADC hnuaia office lian deuh office expences cheng nuai khat chin neite chu 10% a tihniamin, mipui lam chan turin ruahman a ni thung.
Tun tum LADC Budget Session-ah hian House-a chhan chi zawhna 17 a lut a ni.
LADC budget sawi ho dawn
Get real time updates directly on you device, subscribe now.
Next Post