Vocational training lam
tihhmasawnna tur duang
Mizorama vocational training lama thuneitu sang ber, Mizoram Council For Vocational Training (MCVT) chu an chairman, LESDE minister Lalchhandama Ralte hoin Thawhtanni khan an thukhawm.
Thu ngaihtuah zingah, Mizoram sawrkar notification 2018-a Policy on Skills & Entrepreneurship Development hnena thuneihna a pek angin, Mizoram sawrkar hnuaia skilling activities department hrang hrangin a kalpui mek chu huang khata kalpui (convergence) dan tur sawi ho a ni a. Department hrang hrang skilling activities & training hnuaia information data an neihte chu LESDE department-in Skill Mizoram Portal a buatsaihah dah luh vek nise an ti.
Hei hian Mizorama skill training kawnga hmasawnna leh hmalakhna changtlung zawk leh Mizo thalaite tana awlsam taka information an dawn theihna hmanrua a nih beisei a ni. MCVT hi state sawrkar hnuaia state skill training scheme hrang hrang kalpui mekah assessing & certifying body atana hman nise, hemi atana tul leh pawimawhte a ranglama buatsaih nise an ti.
Hei bakah hian Govt. ITI hrang hrang – Aizawl, Lunglei leh Siaha-a zirlai kal turte tana tangkai zawk a nih beiseiin ITI admission fee, hostel fee leh examination fee te ennawna siamrem a ni a. Exam buatsaihna senso pawh ennawn niin siamrem nghal a ni. MCVT-in state sawrkar atanga grant -in- aid fund atana nuai 20 a hmuh thin chu state sawrkarah tih pun a nih theihna’n hma lak nise an ti bawk.
Vocational training lam tihhmasawnna tur duang
Get real time updates directly on you device, subscribe now.
Next Post