Lady Gaga leh Bruno Mars ‘Die With a Smile’ a Hot ber

Lady Gaga leh Bruno Mars ‘Die With a Smile’ a Hot ber
Lady Gaga leh Bruno Mars hla hit ‘Die With a Smile’ chu Billboard Hot 100 (singles) chart-ah No.1 a kai thar leh ta a, he chart-ah hian a zawn lovin kar nga a No.1 tling ta. Hetihrual hian Morgan Wallen “I’m the Problem” chu No.2-ah a debut bawk.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre U.S. streaming (official audio leh official video), radio airplay leh sales data te chu tehna pawimawh a ni. ‘Die With a Smile’ hian kar khat chhungin radio airplay-ah ngaithlatu maktaduai 62.5 nei lehin, stream maktaduai 28.6 leh sales 10,000 a tling leh a, hei hi chart-ah No.1 a kai pui leh ta a ni.
Morgan Wallen hla thar “I’m the Problem” chu stream maktaduai 29.2, sales 15,000 leh radio airplay-ah ngaithlatu maktaduai 11.6 neiin, No.2-ah a debut a, he hla hi a album palina tlangzarh tur title track a ni a, he chart-a a hla top 10 kai thei 13-na a ni.
Kendrick Lamar leh SZA ‘Luther’ chu No.4 atangin No.3-ah a insawn a, Billie Eilish ‘Birds of a Feather’ chu No.7 atangin No.4-ah insawnin, chart-a kar 19 No.1 a, he chart-a No.1 ni rei thei ber record nih rualtu Shaboozey ‘A Bar Song (Tipsy)’ chu No.5-ah bawk a la awm.
Chart No.3 pawh lo ni tawh, The Weeknd leh Playboi Carti ‘Timeless’ chu No.18 atangin No.7-ah a invawrh thar leh a, chart No.1 hlui Teddy Swims ‘Loose Control’ chu No.6 atangin No.8-ah a tawlh a, chart No.2 pawh lo ni tawh Benson Boone ‘Beautiful Things’ chu No.15 atangin No.9 a kai thar leh a, chart No.2 lo ni tawh Kendrick Lamar ‘TV Off’ featuring Lefty Gunplay chu No.11 atangin No.10 a kai thar ve leh ta bawk.