Lady Gaga leh Bruno Mars ‘Die With a Smile’ a lar ber

Lady Gaga leh Bruno Mars ‘Die With a Smile’ a lar ber
Lady Gaga leh Bruno Mars hla hit ‘Die With a Smile’ chu kar khat chhunga khawel huapa hla lar ber niin, Billboard Global 200 chart-ah a No.1 a, he chart-a kar 10 a No.1-na ta. Nikum September khan a vawi khat nan kar khat chhunga khawvel huapa hla lar ber a rawn ni a, tunah chuan a zawn ni lovin kar 10 a No.1 tling ta a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
‘Die With a Smile’ hian kar khat chhungin stream maktaduai 119.3 leh sales 8,000 neiin, chart No.2 atangin No.1 a kai thar leh ta a, he chart-a kar 10 chin No.1 ni thei hla parukna a ni. He chart-a No.1 ni ngun ber chu Mariah Carey Kirsmas lengzem hla ‘All I Want for Christmas Is You’ niin, December 2020 khan a vawi khat nan a No.1 a, tunah chuan vawi 19 a No.1 tawh.
Chart No.1 hlui ROSE leh Bruno Mars ‘APT.’ chu Rs 4 atangin No.2 a kai thar leh a, Kendrick Lamar ‘Luther’ chu No.3-ah bawk awm lehin, Lamar hla dang ‘Not Like Us’ chu No.1 atangin No.4-ah a tawlh a, chart No.1 hlui bawk Billie Eilish ‘Birds of a Feather’ chu No.5-ah bawk a la awm.
Billboard Global 200 Top 10:
1 Die With A Smile – Lady Gaga & Bruno Mars
2 APT. – ROSE & Bruno Mars
3 Luther – Kendrick Lamar & SZA
4 Not Like Us – Kendrick Lamar
5 Birds Of A Feather – Billie Eilish
6 DTMF – Bad Bunny
7 TV Off – Kendrick Lamar Featuring Lefty Gunplay
8 All The Stars – Kendrick Lamar & SZA
9 Abracadabra – Lady Gaga
10 Messy – Lola Young