Lumet-tu upa ber

Lumet-tu upa ber
Japanese pitar, kum 108 a upa, Shitsui Hakoishi chu vawiin thlengin a dawrah lu metin a la thawk chhuak thei a, Guinness World Records-in khawvel hmeichhe zinga lumet upa berah a puang. Shitui hian Japan khawpui Tokyo atanga darkar thum vel kalah lumehna dawr a nei.
Shitsui hi November ni 10, 1916 a piang a ni a, kum 14 a tlinin a nu thiannuin Tokyo-a lumehna dawrah inzir turin a sawm a, amah chauhin lumeh zir turin Tokyo-ah chuan a inpu lut ve ta a ni. 1934-ah kum 18 mi niin Shisui chuan lumeh exam a pass a, a thawhna dawrah pawh lumettu hriathlawh tak a ni zui ta a ni.
Kum 24 mi a nihin Jiro nen an innei a, mi dawra thawk tawh lovin a pasal nen chuan anmahni pualin lumehna dawr an hawng ve ta a, mahse, Sino-Japanese War vawi hnihnain a nang a, a pasal chu sipaiah lutin, raldonaah a thi a, chumi hnu lawkah Shitsui dawr leh an in chu US sipai ten Tokyo-a bomb an thlak avangin meivapah a chang zui ve leh ta bawk.
Shitsui leh a fate pahnih chuan Tokyo chhuahsanin, a seilenna Tochigi-ah an pem ta a. 1953-ah Rihatsu Hakoishi, Nakagawa-machi-ah lumehna dawr hawng leh, hetah hian vawiin thlengin a la thawk zui ta reng a ni.