Lunglei Pukpuia Laldenga Park chu sawrkarin enkawl zui zel loa, mimal enkawl tura pekchhuah (outsource) an tum tih Local Administration Department minister K Lalrinliana chuan a sawi.
Assembly Session-ah Congress member Zodintluanga Ralte chuan MNF founder president Pu Laldenga hming chawia an inpui awmna Pukpuia Congress sawrkar laia ‘Laldenga Park’ sak chu mipuiin lenluhna atan an hman tangkai viau laiin, enkawl zui zel a ni loa, tunah chuan lenluhna tlak loh khawpin a awm ta tih a sawi.
LAD minister chuan an department enkawl thin park ho hi an ‘outsource’ hlawm a, Laldenga Park pawh hi chumi zing ami chu niin, tender chhangtu an awm loh avangin department kutah ala awm a, an ngaipawimawh viau naa sum hman tur a tam loh avangin duh angin an chei hleithei lo tih a sawi.
Hei vang hian ngaihtuahna thar sengin, kum rei zawk enkawl theih tura outsource a, a chhangtute pawhin an chei man an hmuh let leh hman turin, kum 5 emaw tal te an kuta awmtir dan ruahman tum mek a ni tih a sawi a ni.
Laldenga Park outsource tum
Get real time updates directly on you device, subscribe now.
Next Post