2022 November 3-a chatuan ram pan ta, Mizoram deputy chief minister hlui Lalhmingthanga pian champha pualin Zirtawpni tlai khan Aijal Club ah ‘Lalhmingthanga Night’ hman a ni.
He hun hi Lalhmingthanga tu leh fate buatsaih niin, a fanu Meriam L. Hrangchal chuan kalkhawmte lawmna thu a sawi a. Mizorama political leader-te, sawrkar officer pension te leh kohhran lama Pu Lalhmingthanga rawngbawlpui thinte’n telin, a chanchin an sawina ‘Pu Hminga ka hmuh dan’ tih video chu tihchhuah a ni.
Thu leh hla lama Pu Lalhmingthanga kutchhuakte (Mizo & English) paper present niin, a hla phuah ‘Kar a hla’ tih chu a sa lartu Zosangliani’n a sa a; ‘Vanapa Run’ tih hla Zohmangaihi Seni Vangchhia chuan sa in, Pu Hminga Sap hla lehlin ‘Lal Isua Hnenah’ tih hla H Lalhmangaihsangi’n a sa bawk. Pu Lahmingthanga nupui Pi Rothuami’n lawmthu sawiin, chawhlui an kil ho a ni.
Pu Lalhmingthanga hi 1940 June 9 khan Vanhne khuaah a piang a, tum ruk MLA-a thlantlin a ni. Minister-te ni thinin, department pawimawh tak tak a chelh tawh a, deputy chief minister hial a lo ni tawh.
Lalhmingthanga Night hmang
Get real time updates directly on you device, subscribe now.
Next Post