Lamkhuang

Lamkhuang hi thei man to a ni hran lo a, ngaihsan pawh a hlawh em em lo- taksa hriselna atana a thatna hrang hrang te kan hriat loh vang mai a ni. Mahse, hei tunhnaiah milar ten lamkhuang chu thei hrisel a ni a, intihcher tumte tan phei chuan chaw tha tak a ni ti a, an ei thin thu te an puan takah chuan lamkhuang pawhin ngaihven a hlawh lehzual ta. Tun tumah hian Times of India health section-in lamkhuang thatna ni a an sawi te kan rawn tarlang e.
Celebrity nutritionist Rujuta Diwekar chuan hmanni lawk khan social media-ah lamkhuang thatna chi hrang hrang a post a, pum tana pai nuam a nih thu leh insulin sensitivity a tih that theih dan leh sam tana a thatna te pawh a post teuh mai.
1. Lamkhuang hian carbohydrate, fiber, vitamin A leh C, riboflavin, magnesium leh potassium a pai hnem hle. Tropical fruit a nih avangin calorie hmuh theihna tha tak a ni bawk. India-ah chuan lamkhuang hi chawhmehah te, jam leh pickle ah te pawh an siam thin a, a hmin hma pawhin chawhmeh atan an hmang lar riau a ni.
2. Lamkhuang chu glycemic index-ah a hniam a, hei vang hian diabetics tan a tha. A chhan chu fibre a pai tam a, mi a tipuar rei a, a protein pai chuan blood sugar a control thei.
3. Lamkhuanga fibre leh carbohydrate awm te hi digestion atan pawh a tha a, ek a tihnuam thei a, ek khal nasa tan ei chi tak a ni.
4. Cartenoids leh flavanones a pai hnem a, anti-inflammatory properties a nei bawk a, hei vang hian lung (heart) lam natna leh cholesterol sang te tana ei chi tak a ni. Tropical fruit a nih avangin antioxidant a pai a bawk.
5. Vitamin A leh C a pai hnem avangin taksain natna a do theihna tichaktu tha tak a ni. South India-ah chuan lamkhuang hi kawthalo leh asthma enkawl nan te pawh an hmang thin.