Lammual rama Gas Insulated Sub-Station bun dan tur enho

Assam Rifles chhuahsan tak Lammual rama sawrkarin 11kV Gas Insulated Sub-Station (GIS) siam a tumna chu Power & Electricity minister F Rodingliana hoin department hotute chuan Zirtawpni zing khan a hmunah an tlawh.
He GIS hi state P&E department kutkawihah din hmasak ber tur a nih avangin state danga an tih dan zirchiangin tangkai thei ber tura hma lak tum a ni tih an sawi a. He sub-station hi source thum atanga power lak tur a nih avangin Aizawl chhehvela sub-station dangte nasa takin a chhawk zangkhai thei dawn a. Hei bakah hian tunlaia power interruption tam tak thleng thin hi a tiziaawm thei dawn tih sawi a ni.
A hmunah a drawing enhoin line kal dana tha ber tur ruahman a ni a. Aizawl khawpui lailia awm tur a nih avangin beautification lam pawh ngaihpawimawh nise, an ti a. Gas Insulated Sub-Station hian sub- station dang aiin hmun a mamawh tlem dawn a, hman tangkai a nih thuai theihnan chak taka hma lak a ni tih department hotute chuan an sawi.