Larsap ADC-ah hmeichhe officer

Mizoram larsap Dr Hari Babu Kambhampati chuan Indian Armed Forces atanga India rama Woman Aide-De-Camp (ADC) hmasa ber atan squadron leader Manisha Padhi, 2015 batch Indian Air Force officer a ruat.
A ADC pahnih zinga pakhat zawk atana hmeichhe Air Force officer a ruat chungchangah larsap chuan, he hna pawimawh tak thawk tura hmeichhe officer a tling hi thil chhinchhiah tlak a ni mai loa, hmeichhiaten mipate chauh tih theih anga mipui nawlpuiin an ngaih thin, hmuh theih loh indaidanna bang suchhiain kawng hrang hrangin an hlawhtling thei a nih tih tilangtu a ni, tiin a sawi.
Sqn leader Manisha Padhi hian Nilaini khan a hna hi a zawm a. He hna a thawh hma hian posting pathum – Air Force Station Bidar, Air Force Station Pune leh Air Force Station Bhatinda-ah te a lo awm tawh a ni.