Lawngtlai district nausen zinga
zaa 70 tal vaccine pek kim tum
Kumin March ralhma in Lawngtlai district-a nausen zaa 70 tal chu natna laka invenna, vaccine lak theih ang chi zawng zawng pek kim hman tum a ni.
Lawngtlai district-ah hian Universal Immunization Programme (UIP) kalpuiin Tattva Foundation leh World Health Organisation (WHO) an thawk dun mek a. UPI hnuaia hmalaknaah hian an district-ah 2024 March- December chhung khan nausen (0-11 months) vaccine pek theih zawng zawng pek 1276 (53.5%) awmin kum 1-2 inkar nauteah fully immunized 1245 (47.1%) an awm. March 2025-ah chuan fully immunized hi zaa 70 a nih beisei a ni.
Heng hmalakna thlirlet leh hmachhawp sawiin Thawhtanni khan Lawngtlai District Level Task Force for Immunization an thukhawm a. Hmanpuitu addl. DC Zoramsiama Hmar chuan natna inventheih chi 11 laka inveng tura hunbi neia vaccine pek kawngah Lawngtlai district-in hmasawnna tur a la ngah hle tih a sawi a. Khaw tam taka vaccine la duh lo an la awm chu veiawm a tih thu sawiin, chak zawka awareness kalpui a tul tih a sawi a ni.
WHO – UNICEF leh Tattva Foundation atanga kalten hriat tur tul leh thupui thlansa hmangin Task Force member-te an zirtir a a ni.
Lawngtlai district nausen zinga zaa 70 tal vaccine pek kim tum
Get real time updates directly on you device, subscribe now.