ZPM sawrkarin BJP thawhpui
mah se mipuiin hriatthiam ring
ZPM sawrkarin central-a BJP sawrkar chu thawhpui pawh ni se, Mizoram mipuiin kan hriatthiam a rinawm tih BJP Mizoram hruaitu Vanupa Zathang chuan a sawi.
Thawhtannia BJP Mizoram office-a inkhawmah State vice president Vanupa Zathang, IPS (Retd) chuan, India ramah BJP-in nasa takin hma a sawn a, India Constitution Preamble-a inziak angin Welfare State tinte hamthatna tur chu India sawrkar chuan a ngaihtuah thin a. BJP sawrkar lohna state-ah pawh mipui khawsak awlsamna leh hmasawnna tur hi sawrkar chuan a ngaihtuah reng tho a, a ram mipui harsatna sutkian chu a ‘goal’ pawimawh pakhat a ni tih a sawi.
“Mizoramah hmasawnna kan hmu a, tunah CADC-ah pawh BJP kaihhruai sawrkarah beiseina sang tak an neih avangin sawrkarna siam a ni dawn. Mizoram sawrkarin BJP-a inchhunluh mai duhna emaw thawhdunna tha tak neih an la duh maithei. A chhan chu, keini ang ram rethei tan chuan central atanga sum lokal hi a pawimawhin sawrkar laipui thawhpui thiam a tul a, mahni kutke ngawt chuan kal ngaihna a awm lo. India ramah kan awm a, India pawisa lo hman tur kan nei chuang si loa, Pu Modi sawrkar duhsakna kan chan a, hmasawnna tha zawk kan hmuh theihnan Mizoram sawrkar hian BJP thawhpui pawh nise, mipuiin kan hrethiamin a rinawm,” a ti.
2025-2026 finance budget pharhah India ram mipui, middle class 32% vel tan kum khata cheng nuai 12 la lut tlinglo tan income tax tihbo a ni tih State BJP hruaitu hian a sawi a. Hei hian Pu Modi sawrkarin mirethei leh harsa zawkte a hmangaih zia a tichiang a, union budget chungchang ngunthluk taka Mizoram mipuiin kan zir a, sawrkar laipuiin kan tana hamthatna a siamte kan hriatfiah ve a ngai tih a sawi a ni.
ZPM sawrkarin BJP thawhpui mah se mipuiin hriatthiam ring
Get real time updates directly on you device, subscribe now.