Lawngtlai MJA-in inkhawmpui hmang

Lawngtlai MJA-in inkhawmpui hmang
Mizoram Journalists’ Association Lawngtlai District chuan Zirtawpni khan Lawngtlai Press Club-ah annual conference 2025 an hmang a. Lai Autonomous District Council chif executive member C Lalmuanthanga leh executive member-ten an hmanpui.
CEM chuan journalist-te chu sawrkar thu leh hla mipui hnena puangzartu an nih angin, mipui hnena thudik leh belhchian tlak chauh thehdarh turin a chah a. Thuthar thehdarhtute an nih angin, remna piahlamah indona hial thlen theitu an nih avangin, rilru fim taka hna thawk fo turin a fuih. Inpumkhatna leh inlungrualna pawimawhna sawiin, Lawngtlai district chhunga hnam hrang hrang awmte inkara remna leh muanna thlentu pawimawh tak ni zel turin MJA Lawngtlai a chah a ni.
MJA Gen. Hqrs. atangin general secretary K Zothanpara hoin hruaitu dangten an hmanpui a. MJA Lawngtlai District president Elvis Lathangzuala’n president a nih angin thu a sawi bawk.
Annual conference-ah hian chawhma lamah rorel a ni a. ‘Lawngtlai district-a raltlan leh thenawm rama bungrua lut leh chhuak hi mipui himna thui zawk thlir chungin, awmze nei zawkin kalpui ni rawh se’ tih chu pawm niin, chak taka bawhzui nise tiin an rel.